सार्वजनिक कार्यक्रममा पहिलोपटक ओली, देउवा र प्रचण्ड कसरी पुगे ? लुम्बिनीमा देखियो गज्जबको एकता

लुम्बिनी, ८ जेठ । अहिलेको अवस्थामा देश चलाउने तीन प्रमुख नेता हुन् शेरबहादुर देउवा, केपी शर्मा ओली, पुष्पकमल दाहाल प्रचण्ड ।
उनीहरु देशका तीन ठूला दल नेपाली कांग्रेस, नेकपा एमाले र नेकपा माओवादी केन्द्रका अध्यक्षहरु पनि हुन् । यिनीहरुमा एक अर्काको सहमति विना ठूला कामहरु अघि बढ्न सक्दैन् ।
अहिलेको अवस्था देउवा प्रमुख विपक्षी हुन् भने ओली र प्रचण्ड सत्ताको नेतृत्वकर्ता । १३ औं महाधिवेशनबाट सभापति चुनिएपछि देउवा शनिबार पहिलोपटक प्रधानमन्त्री ओली र माओवादी अध्यक्ष प्रचण्डसँग सँगै देखिए ।
यो अवसर जुराईदिएको थियो बुद्ध जन्मस्थल लुम्बिनीले । जहाँ २५६० औँ बुद्ध जयन्ती समारोह आयोजना गरिएको छ । जसको उदघाटन राष्ट्रपति विद्यादेवी भण्डारीले गरिन् ।
देउवासँग भलाकुसारी गर्दै प्रचण्ड
उदघाटन सामारोहमा बुद्धजयन्ती समारोहका अध्यक्षसमेत रहनुभएका प्रधानमन्त्री ओली, पूर्वप्रधानमन्त्री एवम् नेपाली काँग्रेसका सभापति देउवा, पूर्वप्रधानमन्त्री एवम् नेकपा माओवादी केन्द्रका अध्यक्ष प्रचण्ड मिलेर क्रमैसँग बसेका देखिन्थे ।
उनीहरुका साथमा उपप्रधानमन्त्रीहरु, मन्त्रिगण, विभिन्न दलका सांसद र राजनीतिक दलका नेता बसेका थिए ।
यसअघि पोखरा अन्तर्राष्ट्रिय विमानस्थलको सिलान्यासका लागि वैशाख १ गते तीनै नेता उपस्थित हुने भनिएपनि कांग्रेस सभापति देउवा अनुपस्थित रहेका थिए ।
बुद्ध जयन्तीका अवसरमा लुम्बिनीमा २८ देशका ३५० भन्दा बढी बौद्ध धर्मगुरु तथा स्वदेशी र विदेशी गरी करिब १५ हजार बौद्ध धर्मावलम्बीको सहभागिता रहेको लुम्बिनी विकास कोषले जानकारी दिएको छ ।