सदनमा मात्र नेता भएर के गर्नु ? अझै ४ सय १८ गाविस सडक छैन

विकास निर्माणको मेरुदण्ड मानिएको सडक निर्माणको कामले भने अझै गति लिन सकेको छैन। वार्षिक रुपमा बजेट विनियोजन हुने र वर्षको अन्तिम समयमा आएर काम गर्ने प्रवृत्तिका कारण सडक निर्माणको काम लक्ष्यअनुसार अगिाडि बढ्न सकेको छैन।
संघीय मामलिा तथा स्थानीय विकास मन्त्रालय अन्तरर्गत रहेको स्थानीय पूर्वाधार विकास तथा कृषि सडक विभागले देशका ७३ वटै जिल्लामा कृषि सडक निर्माण लगायत अन्य विकास निर्माणको काम गर्दै आएको छ।
तर लक्ष्यअनुसारको काम हुन सकेको छैन। विनाशकारी भूकम्प, सीमाको अवरोधका कारण योजना समयमा नै सम्पन्न गर्न कठिनाइ हुने विभागले जनाएको छ।