उतरसंग युद्ध भए के गर्छन् दक्षिण कोरियाका नागरिक, यस्तो आयो आँकडा

उत्तर कोरियासँग सन् उन्नाइस सय पचास देखि त्रिपन्न सम्मको जस्तो भिषण युद्ध भए दक्षिण कोरियाका सत्तरी प्रतिशत भन्दा बढी नागरिक देशका लागि लड्न तयार रहेको एक अध्ययनले देखाएको छ ।
सरकारको देशभक्ती तथा विज्ञ मामिला मन्त्रालयले गरेको अध्ययनमा बहत्तर प्रतिशत नागरिक उत्तरसँग युद्ध भए लड्न तयार छन् । मन्त्रालयले गत वर्षको नोभेम्बरमा देशभरका पन्ध्र वर्ष उमेर देखि माथिका झण्डै एक हजार जनासँग युद्ध भएमा के गर्नुहुन्छ भनेर सोधेको थियो । त्यस्तै पचास वर्ष हाराहारीका अधिकांश नागरिक उत्तरसँगको युद्धमा भाग लिन ज्यादै इच्छुक देखिएको सर्वेक्षणले देखाएको छ ।
पचास वर्ष हाराहारीका त्रियासी दशमलब पाँच प्रतिशत र साठी वर्ष उमेरका एकासी प्रतिशत कोरियन नागरिक युद्ध लड्न उत्सुक छन् । वीस वर्ष उमेर समूहका पचास प्रतिशत युवा पनि युद्धको मोर्चाबन्दीमा अग्रसर हुने इच्छा जाहेर गरेका छन् । त्यस्तै तीस वर्ष उमेर समूहका पचास दशलमब तीन प्रतिशत युद्धमा भाग लिन तयार छन् । सैनिक तालिम अनिवार्य रहेको अवश्थामा महिला भन्दा पुरुष युद्धमा होमिन तयार रहेको पनि मन्त्रालयले बताएको छ ।
कामको आधारमा कृषि, वन, माछापालन र आफ्नै स्वंलम्बन रोजगारमा आवद्ध नागरिक सवैभन्दा बढि युद्धमा सहभागी हुन इच्छा प्रकट गरेका छन् । यद्यपी अध्ययनरत बीस र तीस वर्ष उमेरका युवाहरु भने कम इच्छुक छन् । भने धनी र गरिबका आधारमा कम आम्दानी भएका नागरिक देश संकटमा परेको बेला सहयोग गर्न तयार देखिएका छन् ।
उत्तर कोरियाले दक्षिण कोरिया र अमेरिका लगायत उसले भन्दै आउने गरेको शत्रु राष्ट त्रसित गराउने उद्धेश्य अनुरुप एक पछि अर्को गर्दै आणविक परिक्षण र रकेट प्रक्षेपण गर्दै आइरहेको छ । जसका कारण कोरियाली प्रायद्धिपमा पुनः युद्धको बादल मडारिने हो कि भनेर आशंका पैदा हुने गरेका छन् ।
उत्तर कोरिया बढ्दो आणविक महत्वकाक्षाले क्षेत्रिय तथा विश्वलाई नै सुरक्षा खतरामा पार्न सक्ने भन्दै गत महिना राष्ट्र संघले उस विरुद्ध हाल सम्मकै कडा नाकाबन्दी लगाएको छ । जसबाट थप उत्तेजित र आक्रोशित उत्तरले विभिन्न खाले कठोर वक्तव्यवाजी र आणविक युद्धको धम्की दिने गरेको छ । यहाँ सम्म कि उत्तर कोरियाले दक्षिण कोरियाको राष्ट्रपति पार्क गुन्हे नेतृत्वको सरकारलाई
अमेरिकाको कठपुतली भन्दै राष्ट्रपति भवन र अमेरिकी सैनिक अखडा ध्वस्त पार्ने चेतावनी पनि दिइसकेको छ । हिजो उत्तर कोरियाले पूर्वी तटीय क्षेत्रमा गरेको क्षेप्यास्त्र परीक्षण असफल भएको छ