नयाँ टोली गुजरात आइपीएलको शीर्ष स्थानमा

राजकोट – इन्डियन प्रिमियर लिगमा नव प्रवेशी टोली गुजरात लायन्सले अर्को नयाँ टोली पुणे सुपरजायन्टसलाई पराजित गर्दै शीर्ष स्थानमा उक्लेको छ । बिहिबार भएको खेलमा ७ विकेटको सहज जित निकाल्दै दुई खेलमा दुई जीतसहित गुजरात शीर्ष स्थानमा उक्लेको हो ।
पुणेले प्रस्तुत गरेको १ सय ६४ रनको लक्ष्य गुजरातले मात्र तीन विकेट गुमाउँदै १८ ओभरमै सफलतापूर्वक पछ्यायो । गुजरातका लागि ओपनरद्वय एरोन फिन्च र ब्राण्डन म्याकुलमले पहिलो विकेटका लागि ८४ रनको साझेदारी गर्दै राम्रो शुरुवात दिलाए । फिन्च र म्याकुलमले क्रमशः ५० र ४९ रन बनाए ।
कप्तान सुरेश रैनाले २४ र ड्वेन ब्राभोले नटआउट रहँदै २२ रन बनाएपछि गुजरातले सहज जित दर्ता गर्यो ।
पुणेका लागि मुरुगन आश्विनले २ विकेट तथा इशान्त शर्माले एक विकेट लिए ।
यसअघि, टस जितेर पहिलो ब्याटिङ गरेको पुणेले निर्धारित २० ओभरमा ५ विकेटको क्षतिमा १ सय ६३ रन बनाएको थियो ।
फाप डु प्लेसिसले सर्वाधिक ६९ रन बनाए भने केभिन पिटरसनले ३७ रनको योगदान दिए । पुणेले राम्रो शुरुवात गरे पनि अन्तिम १२ बलमा ३ रन मात्र दिएर रविन्द्र जडेजाले खेलको मोड परिवर्तन गरे ।
गुजराजतका लागि प्रविण ताम्बे र रविन्द्र जडेजाले २–२ विकेट लिए ।
जीतसँगै दुई खेलबाट सर्वाधिक ४ अंक बटुल्दै जुगराजत लिगको शीर्ष स्थानमा उक्लेको छ । पुणे भने चौंथो स्थानमा रहेको छ ।