सन्नीविरुद्ध १ सय करोड दाबीसहित मानहानीको मुद्दा

मुम्बई – पूर्व बिस बोस प्रतियोगी तथा मोडल पूजा मिर्साले १ सय करोड क्षतिपूर्ती दाबी गर्दै चलचित्र नायिका सन्नी लियोनीविरुद्ध बम्बे हाइकोर्टमा मुद्दा दायर गरेकी छिन् । उनले सन्नीमाथि आफ्नो मानहानी गरेको आरोप लगाएकी छिन् ।
जज नरेश पाटिलले यसबारे जानकारी दिँदै अदालतमा मुद्दा दायर गरेको बताए । मुद्दा दर्ता गराउँदा मिर्सा भने उपस्थित थिइनन् ।
रिटमा बिज बोस सिजन पाँचमा आफू रुचाइएको प्रतियोगी रहेको र त्यसमा सन्नी धेरैपछि आएको उल्लेख छ । प्रतियोगितापछि सन्नीले आफ्नो प्रतिष्ठामा आँच आउने गरी केही मिडियामा अन्तर्वार्ता दिएको बताइएको छ भने त्यसको कारण ‘आरिस’ भएको बताइएको छ ।
मिर्साले एक अखबारमा आफूविरुद्ध सन्नीले खेलनै छपाएपछि आम जनताको नजरमा आफ्नो प्रतिष्ठा गिरेको र आफूले फिक्सड डिपोजिट तोड्नुका साथै ७० लाख बराबरको बचत बैंकबाट निकाल्नु परेको पनि आरोप लगाएकी छिन् ।
आइपीसी सेक्सन ५०० (मानहानी) र १२० (बी) (षड्यन्त्र) अन्तरगत मुद्दा दायर गरिएको समाचारमा उल्लेख ।