जन्ती बसले मोटरसाइकललाई ठक्कर दिँदा एकको मृत्यु

रामेछाप–जिल्लाको सदरमुकम मन्थलीस्थित मदनभण्डारी चोकमा मंगलबार साँझ बसले मोटरसाइकललाई ठक्कर दिँदा बाइकमा सवार एकको मृत्यु भएको छ भने एक गम्भीर घाइते भएका छन् ।
रामेछापको गेलुबाट जन्ती लिएर बर्दिवासतर्फ जाँदै गरेको विपी यातायातको ना४ख ९००५ नम्बरको बसले मन्थलीको भैसेश्वरबाट मन्थली बजारतर्र्फ आउँदै गरेको बा३४प ७६५४ नम्बरको मोटरसाइकलाई ठक्कर दिँदा बाइकको पछाडी सवार रहेको रामेछाप गेलु–२ निवासी भिमबहादुर थापाको मृत्यु भएको हो ।
वाइक चालक भक्तपुर निवासी नारायणहरी सुवेदीको भनेको भने दाइने खुट्टा भाँचिको र दाइनेहातमा चोट लागेको जिल्ला प्रहरी कार्यालय रामेछापले जानकारी दिएको छ । घाइतेको तामाकासेसी सहकारी अस्पताल मन्थलीमा प्राथमिक उपचार गरि थप उपचारको लागि काठमाडौं पठाइएको छ ।
चालकले मादकपदार्थ सेवन गरि बस चलाएकाले दुर्घटना भएको प्रहरीले जनाएको छ । बस चालकलाई प्रहरीले नियन्त्रणमा लिएको छ । बसमा सवार यात्रुहरु भने सकुशल रहेको बताइएको छ । दुर्घटनापछि मन्थलीका स्थानीयले मन्थलीस्थित मदनभण्डारी चोकमा भेला भएर सडक अवरोध गरिरहेका छन् ।